| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 24.121 | Dem. 24.123 (English) | >>Dem. 24.125 |
24.122βούλομαι δʼ ὑμῖν , ὃ μεταξὺ λέγων περὶ τούτων ἐνεθυμήθην , εἰπεῖν περὶ οὗ τέθηκε νόμου , παράδοξόν τι , θαυμαστὸν ἡλίκον . οὗτος γάρ , ὦ ἄνδρες δικασταί , τοῖς μὲν τὰ τέλη ὠνουμένοις ἔγραψε τὰς τιμωρίας εἶναι , εἰ μὴ καταβάλοιεν τὰ χρήματα , κατὰ τοὺς νόμους τοὺς προτέρους , ἐν οἷς καὶ ὁ δεσμὸς καὶ ἡ διπλασία γέγραπται , ἀνθρώποις οἳ διὰ τὸ ζημιοῦσθαι ἐπὶ τῇ ὠνῇ ἄκοντες ἔμελλον τὴν πόλιν ἀδικήσειν · τοῖς δʼ ὑφαιρουμένοις τὰ τῆς πόλεως καὶ ἱεροσυλοῦσι τὰ τῆς θεοῦ τὸν δεσμὸν ἀφεῖλεν . καίτοι εἰ μὲν ἐλάττω τούτους ἀδικεῖν ἐκείνων νομίσαι φήσεις , ἀνάγκη μαίνεσθαί σʼ ὁμολογεῖν , εἰ δὲ μείζω νομίζων , ὥσπερ ἔστιν , ἐκεῖνα τἀδικήματα τοὺς μὲν ἀφίης , τοὺς δὲ μή , οὐκ ἤδη δῆλος εἶ πεπρακὼς τὸ πρᾶγμα τούτοις ;
ἄξιον τοίνυν καὶ τοῦτʼ εἰπεῖν , ὅσον ὑμεῖς διαφέρετʼ , ὦ ἄνδρες δικασταί , μεγαλοφροσύνῃ τῶν ῥητόρων . ὑμεῖς μέν γε τἀπὶ τῷ πλήθει νενομοθετημένα δεινά , ἐάν τις ἢ διχόθεν μισθοφορῇ ἢ ὀφείλων τῷ δημοσίῳ ἐκκλησιάζῃ ἢ δικάζῃ , ἢ ἄλλο τι ποιῇ ὧν οἱ νόμοι ἀπαγορεύουσιν , οὐ λύετε , καὶ ταῦτʼ εἰδότες ὅτι διὰ πενίαν <ἂν > ποιήσειεν ὁ τούτων τι ποιῶν , οὐδὲ νόμους τοιούτους τίθεσθʼ ὅπως ἐξουσία ἔσται ἐξαμαρτεῖν , ἀλλὰ τοὐναντίον ὅπως μή · οὗτοι δʼ , ὅπως οἱ τὰ αἴσχιστα καὶ τὰ δεινότατα ποιοῦντες δίκην μὴ δώσουσιν .
24.123
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 24.121 | Dem. 24.123 (English) | >>Dem. 24.125 |
